Ƴarinya ‘yar Legas Da Ta Ɓace An Sameta a Bauchi

Ƴan sanda a jihar Bauchi sun gano wata yarinya ‘yar shekara 17 mai suna Mildred Ebuka da ta bace a ranar Alhamis yayin da take gudanar da wani taro a Legas.

Rahotanni sun bayyana cewa Ebuka ta bar gidansu da ke Victoria Island ranar Alhamis don kai wa kawar Antinta saqo a unguwar Ikorodu a Legas.

Rundunar ‘yan sandan Bauchi a ranar Juma’a ta sanar da jama’a cewa an gano yarinyar kuma tana hannunta.

A wata sanarwa da rundunar ‘yan sandan ta fitar ta shafinta na Tiwita, ta ce, ‘Yar mai suna Mildred Joshua Ebuka ‘yar shekara 17 a titin Block 19 Ubandale street Victoria Island Legas, wanda hotonta ya ke a ƙasa ta bar gida a ranar Alhamis 25/08/2022 domin kai saƙo ga kawar antinta dake Ikorodu, a kan hanyarta ta tsayar da wata motar haya da ba ta da nisa da gidanta, daga nan ta tsinci kanta a Bauchi.

“Ta fito daga Legas kuma tana jin Turanci sosai.  Sanye yake da riga da wando mara nauyi shudiyya, ƴar fara, ba ta da alamar zanen kabila.”

Jami’in hulda da jama’a na rundunar ‘yan sandan jihar, Ahmad Wakili, ya shaidawa jaridar Punch ranar Juma’a cewa an gano Mildred a wani wurin tashar mota da ke Bauchi.

Alkali ya ce, “Asalin yaɗa bayanin shi ne don nemo iyayenta, Bata iya tuna komai ba ta isa Bauchi.  Wata mata ce ta ta da ita a tashar, ba ta san inda take ba.

“Don haka, sun tuntubi ‘yan sanda, kuma ofishinmu na hulda da jama’a ya min bayani a kai.  Shi ya sa na sanarwa jama'a.”

Da aka tuntubi jami’in hulda da jama’a na rundunar ‘yan sandan jihar Legas, SP Benjamin Hundeyin, ya tabbatar da cewa babu titi mai suna haka.

Ya ce, "Muna fatan 'yan uwanta za su zo ɗaukarta idan sun ga hotonta."