Sojoji goma sun mutu a wani hatsarin jirgi a Kenya

An sanar da mutuwar babban hafsan sojin kasar Kenya Janar Francis Ogolla da wasu jami'an sojoji 9 bayan wani hatsarin jirgin sama mai saukar ungulu. 

Shugaban kasar Kenya William Ruto ne ya bayyana hakan a wani taron manema labarai a ranar Alhamis. Daga bisani ya sanar da zaman makoki na kwanaki uku a fadin kasar.

Rahoton ya tabbatar da cewa hatsarin ya afku ne a yammacin kasar a gundumar Elgeyo Marakwet, jim kadan da tashin jirgin daga kauyen Chesegon. 

Babban Hafsan sojin da tawagar sa suna rangadi ne Inda suka ziyarci sojojin dake aiki a yankin 

Har kawo lokacin kammala wannan rahoton ba a san musabbabin hatsarin ba amman mutum biyu daga cikin mutane 12 da ke cikin jirgin sun tsira da rayukansu.