Gwamnatin jihar Gombe ta rufe dukkan kwalejojin fasahar kiwon lafiya masu zaman kansu 29 da ke jihar.
Kwamishinan lafiya na jihar Gombe Dr Habu Dahiru ne ya bayyana hakan a ranar Laraba.
Dahiru ya ce an rufe kwalejojin ne saboda matsalar rajista da kuma ba da izini.
Ya kuma bayyana cewa yayin da wasu daga cikin kwalejojin ba su da lasisi, wasu kuma ba su da kayan aiki yayin da ba su da ikon da ake bukata.
Ya kuma koka da yadda daliban da suka kammala karatu a kwalejojin ke rasa ayyukan yi saboda rashin amincewa da kwalejojin.
Ya bayyana cewa hakan na daya daga cikin dalilan dakatar da ayyukansu har sai sun biya bukatun gwamnati.
Ya kara da cewa, “Hakika wasu daga cikinsu ba su da rajista, ba su da ma’aikata kuma ba su da takardar shaidar yin aiki. Don haka muka dakatar da aikin nasu, aka kafa kwamitin da zai binciki lamarin kafin a sake bude su,” kamar yadda Daily Trust ta ruwaito.
Dahiru ya ce gwamnati ta dauki matakin ne domin tantance rashin kwararru da ake fama da su a fannin lafiya.
Ya kara da cewa kwalejojin da suka kai matakin da suka dace ne kawai za a bude su bayan an yi cikakken bincike yayin da sauran kuma za a rufe su na dindindin.
0 Tsokaci