Al'ummar Gombe Sun Yabawa Inuwa Yahaya Kan Ayyukan Hanya Da Sauransu

Wakilan al’ummar garin Dwaja dake karamar hukumar Shongom a jihar Gombe sun yabawa gwamna Muhammadu Inuwa Yahaya bisa ayyukan samar da ababen more rayuwa da yake yi.

Wakilan da suka ziyarci gwamnan a gidan gwamnati sun nuna jin dadinsu kan hanyar da aka amince ayi musu. 

Sakataren gwamnatin jihar, Farfesa Ibrahim Abubakar Njodi wanda ya tarbe su ya ce gwamnan ya jajirce wajen ci gaban jihar.

Haka kuma sun yabawa sakataren bisa karramawar da suka yi na gayyatar al’umma inda aka shirya taron bayar da tallafi na gina masallaci da kuma tubalan ajujuwa.

Tawagar ta samu jagorancin shugaban kungiyar Izala na garin Dwaja, Mu'azu Yusuf.

Yusuf ya ce al’ummar yankin basu taba karbar manyan mutane da ke nuna farin cikin su ba daga gwamnatin jihar.

Al'ummar sun kuma yi addu'ar Allah ya bashi nasara a zaben 2023.

Sakataren ya kuma ba su tabbacin goyon bayan gwamnan a ci gaba da ci gaban al’umma da jihar.