2023: INEC Ya Musanta Sabuwar Hanyar Ɗaukar Ma'aikata

Hukumar Zabe Mai Zaman Kanta ta Kasa (INEC) ta gargadi ‘yan Najeriya da su gaji da aikin daukar ma’aikata da ke yawo a shafukan sada zumunta da kuma wasu shafukan na yanar gizo

A cikin sanarwar da hukumar ta fitar ranar Laraba, ta ce shafin da za a shiga domin cike neman aiki ta shafin inecnigeria.govservice.site na bogi ne.

Hukumar ta kuma ce, har yanzu da shafin ta pres.inecnigeria.org & inecpress-app.com/pres ne yake amfani da shi.

Sanarwar ta kara da cewa "Muna kira ga 'yan Najeriya da su yi watsi da shafin na karya kuma su guje wa fadawa cikin 'yan damfara."

Hukumar ta kara da cewa, atisayen daukar ma'aikata na wucin gadi kyauta ne kuma ba a bukatar biyan ko sisi a lokacin daukar aikin.

 Rahotanni sun nuna cewa INEC a watan Satumba ta sanar da wani shafin daukar ma’aikatan wucin gadi a babban zaben 2023.

Hukumar, a cikin wata wasika mai dauke da sa hannun A.T Yusuf, da sakataren INEC, a ranar Laraba, ta ce za a bude shafin ne ga wadanda suka cancanta daga ranar 14 ga Satumba zuwa 14 ga Disamba da karfe 8:00 na dare.

A cewar wasikar, atisayen wanda za a fara ta hanyar INECPRES, za a bude shi ne ga wasu nau’o’in ma’aikatan wucin gadi sai dai  ban da jami’an tattara bayanai.

Wasikar da aka aikewa dukkanin kwamishinonin zabe da mazauna yankunansu, ta bukaci hadin kan dukkan sakatarorin gudanarwa, shugaban ma’aikatu da sauransu, domin samun adadin ma’aikatan wucin gadi da ake bukata a kowace jiha

"Don cimma adadin da ake buƙata na ma'aikatan  wucin gadi a kowace jiha, yana da mahimmanci cewa ingantaccen aiki / wayar da kan jama'a na daga  Admin. Secs HOD EPS/EOs & AEOS a karkashin jagorancin RECS an fara shi tare da Hukumomin Tarayya, Manyan Makarantun Jihohi da na NYSC (matakan Jiha wato makarantar Gwamnati),” inji shi.

Ya kuma ce ana samun INECPRES ta hanyoyi guda biyu da ke kan yanar gizon INEC: www.inecnigeria.org (mahadar wayar hannu da sauran shafikan yanar gizo).

Sanarwar ta kuma ce dole ne masu neman su zauna a jihar daga inda suke; kada daya ya zama membobin jam'iyyun siyasa; kuma dole ne kada ya nuna goyon baya ga kowane dan takara ko jam'iyya.

.