Shugaban kasa Muhammadu Buhari ya umurci kamfanin man fetur na Najeriya NNPC da ta shigo domin gyara tare da kammala wanj bangare na hanyar Gabas zuwa Yamma.
Buhari ya bayyana hakan ne a wajen bikin bude taron majalisar wakilai ta kasa kan yankin Neja Delta karo na 5 a garin Uyo ranar Alhamis.
“Aikin titin Gabas-Yamma wanda ma’aikatar ayyuka da gidaje ta tarayya ke gudanarwa a yanzu, shi ne aikin samar da ababen more rayuwa mafi girma a Najeriya.
“Hanya ce mai matukar muhimmanci, wacce ta hada manyan biranen kasar nan da suka fi hada-hadar kasuwanci da kasuwanci a yankin.
"Za a magance wannan cikin gaggawa, la'akari da mahimmancin hanyar ga tattalin arzikin kasa," in ji Mista Buhari.
Buhari wanda ya samu wakilcin Mohammed Abdullahi, Ministan Muhalli, ya tabbatar da cewa kammala aikin titin Gabas zuwa Yamman shi ne babban fifiko ga wannan gwamnati.
Ya bayyana cewa, an gabatar da binciken kwakwaf na NNDC, yana mai cewa an fara aiwatar da shawarwarin ta mataki zuwa mataki.
“A nan ina tabbatar muku da cewa a karshe wannan tsari zai kawo tsarin sabuwar Hukumar, wanda shi ne muradin mafi yawan masu ruwa da tsaki a yankin,” in ji shi.
A wani bangaren kuma, Ministan harkokin Neja Delta, Umana Umana, ya ce makasudin taron shi ne a ba da himma da dorewar haɗin gwiwa da abokan huldar ci gaba da sauran masu ruwa da tsaki don aiwatar da manufofi da shirye-shiryen da aka tsara don inganta rayuwa a yankin Neja Delta.
Mista Umana wanda kuma shi ne Shugaban Majalisar, ya yi alkawarin buga tarin ayyukan da ma’aikatar ta gudanar a daukacin yankin Neja Delta, inji rahoton Daily Nigerian.
An yiwa Taron taken: “Yin amfani da shirye-shiryen ci gaban karni na 21 da kuma dabarun bunkasa ci gaba a yankin Neja Delta.”
0 Tsokaci