Wasu ‘yan bindiga sun yi garkuwa da wani dan cocin Katolika na Sokoto mai suna Tony Udemezue a garin Tambuwal na jihar Sokoto.
Rahotanni sun ce an sace Udemezue ne da sanyin safiyar ranar Litinin a gidan sa.
Wannan dai na zuwa ne kwanaki kadan bayan kashe wani limamin cocin Katolika a Kaduna da masu garkuwa da mutane suka yi.
Da yake tabbatar da faruwar lamarin, Daraktan yada labarai na Majami’ar Sakkwato, Rabaran Fr. Chris Omotosho ya shaidawa Vanguard cewa an sace Udemezue ne da misalin karfe biyu na safiyar ranar Litinin.
A cewarsa, “An yi garkuwa da daya daga cikin dan cocina a Tambuwal, jihar Sokoto – Tony Udemezue a gidan sa.
“Babu wani dan sanda da ya amsa a cikin awa 1 da ta gabata (tun karfe 2 na safe) duk da cewa ya kira su kafin a tafi da shi.
"Dan Allah mu saka shi da iyalin sa cikin addu'a."
0 Tsokaci