Yajin Aiki: Kotun Daukaka Kara ta umurci kungiyar ASUU da ta gaggauta komawa baki.

Wata kotun daukaka kara da ke zamanta a Abuja, ta umarci kungiyar malaman jami’o’i (ASUU) da ta janye yajin aikin da ta shiga cikin gaggawa.

Kotun daukaka karar ta bayyana cewa janye yajin aikin shine kawai sharadin bukatar kungiyar ta neman daukaka karar hukuncin da kotun masana’antu ta kasa zata iyayi kenan.

Bayan da aka samu koma baya a tattaunawar da ta yi da ASUU, gwamnatin tarayya ta kai kungiyar zuwa kotun masana’antu ta kasa.

A hukuncin da ya yanke a ranar 21 ga Satumba, 2022, Mai shari’a Polycarp Hamman, alkalin kotun, ya umurci malaman da ke yajin aikin da su ci gaba da aiki cikin gaggawa har sai an warware takaddamar da ke tsakaninsu da gwamnati.

Alkalin ya kididdige matakin da zai dauka ne a kan sashe na 18 na dokar takaddamar ciniki da ya ba shi ikon yanke irin wadannan shawarwarin domin amfanin al’umma.

Jami'ar ba ta gamsu ba, ta shigar da kara domin kalubalantar umarnin kotun masana'antu. Kotun daukaka kara ta shawarci gwamnatin tarayya da kungiyar kwadago da su sasanta lamarin ba tare da kotu ba.

Sai dai a ranar Alhamis da za a ci gaba da sauraren karar, lauyan kungiyar ASUU, Femi Falana (SAN), ya shaida wa kotun daukaka kara cewa bangarorin biyu ba za su iya warware yajin aikin da aka shafe watanni takwas ana yi ba a kotu.

James Igwe, lauyan gwamnatin tarayya, ya kuma shaidawa kotun daukaka kara cewa duk da shawarar da aka basu, ba za su iya warware rikicin ba.

A hukuncin da aka yanke ranar Juma’a, alkalin kotun, Mai shari’a Hamma Barka, ya umarci malaman da su koma bakin aiki cikin gaggawa.