Majalisar wakilai ta bukaci gwamnatin tarayya da ta tura dakunan shan magani na tafi da gidanka a manyan titunan kasar nan.
An bayyana hakan ne a ranar Laraba a zauren majalisar.
Mallam Bukar Gana, dan majalisa daga jihar Borno ne ya gabatar da kudirin inda ya ce Najeriya na da asibitoci 47 ne kacal.
Ya kara da cewa, duk da cewa kusan dukkanin su ba su da kayan aiki, 15 da kayan aiki yayin da babu a 14. ya kara da cewa 18 ne kawai ke da kayan aiki kuma ake amfani da su.
Kamar yadda Daily Trust ta ruwaito, ya bayyana cewa, “Ayyukan dakunan shan magani da ake da su a gefen titi ba su da wadatar da za su iya kula da lafiyar matafiya domin masu aiki ba su da kyau sosai, kuma matafiya za su ci gaba da mutuwa ba tare da wata bukata ba saboda rashin samun kulawar gaggawa.
“A cewar Hukumar Kididdiga ta Najeriya (NBS), an samu hadurruka 11,363 a shekarar 2016 tare da jimillar mutane 30,105 da suka samu raunuka, daga cikinsu 28,250 manya ne, 1,855 yara ne, yayin da mutane 5,053 suka rasa rayukansu.
"Mummunan yanayi na manyan tituna da tukin ganganci da wuce gona da iri, shaye-shaye, da rashin mutunta ka'idojin zirga-zirgar ababen hawa sun taimaka wajen ci gaba da hadurran tituna, kuma kasar na bukatar asibitoci masu aiki don hana mace-mace."
Yayin da ta ke kira da hukumar kiyaye hadurra ta tarayya, majalisar ta ce akwai bukatar hada hannu da hukumomin bada agajin gaggawa domin tunkarar bukatar wadanda hatsarin ya rutsa da su.
0 Tsokaci