EFCC Ta Cafke Akanta Janar na Tarayya Bisa Zargin Almundahanar N80bn

Hukumar Yaki da Yiwa Tattalin Arzikin Kasa Ta’annati (EFCC) ta kama Akanta Janar na Tarayya, Ahmed Idris kan badakalar Naira biliyan 80.

An kama Idris ne da laifin karkatar da kudaden jama'a. 

EFCC ta ce rahoton leken asiri ya nuna cewa Idris ya karkatar da kudaden ne ta hanyar kamfanoni na bogi, ‘yan uwa, abokai da sauran ayyukan da suka sabawa doka.

Rahotanni sun bayyana cewa, ya karkatar da kudaden ne ta hanyar hada-hadar gidaje na Kano.

Hukumar ta gayyaci Idris don amsa tambayoyi dangane da zargin amma ya ki amsa gayyatar.

A halin da ake ciki hukumar ta bayyana cewa dole ne ta bi shi bayan ya ki amsa gayyatar da ya yi.

An kame Idris dai a Kano ranar Litinin.